Viðskiptaráð ÍslandsGLIS og FOIS: Vestnorræna hagkerfið
Þriðjudaginn 26. maí nk. fer fram morgunverðarfundur um aukin viðskipti milli Íslands, Grænlands og Færeyja. Að fundinum standa Norðurslóða-viðskiptaráðið, Grænlensk-íslenska viðskiptaráðið (GLIS), Færeysk-íslenska viðskiptaráðið (FOIS) og Vestnorræna ráðið.
Á fundinum verður rætt um hugmyndir þess efnis að treysta frekar bönd þessara landa með aukinni fríverslun, sameiginleg einkenni þeirra og umfang vestnorræna hagkerfisins. Þá verður fjallað um samstarf íslenskra fyrirtækja við fyrirtæki í Grænlandi og í Færeyjum, hvaða áskoranir eru einna helst fyrir hendi í þeim atvinnugreinum og hvaða tækifæri eru til að gera betur.
Dagskrá fundarins:
Ávinningur af auknu samstarfi vestnorrænu ríkjanna
Unnur Brá Konráðsdóttir, varaformaður Vestnorræna ráðsins
Viðskiptasamstarf og milliríkjasamningar
Högni S. Kristjánsson, skrifstofustjóri hjá utanríkisráðuneytinu
Dæmisögur af samstarfi fyrirtækja
Fulltrúar Deloitte, Eimskipa, Íslenskra aðalverktaka, Odda, Norðlenska og Norðurflugs
Pallborðsumræður allra ræðumanna
Fundarstjóri: Kristín S. Hjálmtýsdóttir, framkvæmdastjóri GLÍS og FOIS
Fundurinn fer fram í Borgartúni 35, 1. hæð (Kvika). Boðið verður upp á léttar veitingar frá kl. 8.00 en fundurinn hefst kl. 8.30 og stendur til kl. 10.00. Aðgangseyrir er 1.500 kr. og fer fundurinn fram á íslensku.